«Төрөөбүт тыл уонна сурук-бичик» күнүнэн! 

Таатта улууһугар ситэриилээх былаас ааспыт сыллааҕы отчуотун түмүк күнүгэр 5 эдэр ыал дьиэ-уот тутуутугар, тупсарыытыгар сертификат тутта.

Бэҕэһээ Былатыан Ойуунускай аатынан норуот тыйаатырыгар отчуоттуур бөлөх Таатта киинин Ытык-Күөл олохтоохторугар өрөспүүбүлүкэ салалтатын сыллааҕы үлэтин түмүктэрин кытта
билиһиннэрдэ. Дакылаат кэннэ олохтоохтор бэйэлэрин ыйытыктарын, туруорсууларын эттилэр.

Ол курдук олохтоохтор уматык сыанатын хонтуруоллааһын, эдэр исписэлиистэргэ олорор дьиэ, мелиорация, сир-уот тула ыйытыктарын биэрдилэр, онно эппиэттэри
туттулар. Мунньахха киирбит ыйытыылар, туруорсуулар барыта боротокуолга киирдилэр.

Бырабыыталыстыба отчуотун чэрчитинэн Саха Өрөспүүбүлүкэтин тутуу миниистирин бастакы солбуйааччыта Евгений Афанасьев Таатта улууһун 5 эдэр ыалыгар дьиэ атыылаһарга уонна туттарга сертификат туттарда.

Судаарыстыба өйөбүлэ «Эдэр ыаллары олорор дьиэнэн хааччыйыы» бырагыраамма иитинэн бэриллэр. Дьиэни-уоту тупсарыыга наадыйар эдэр ыал бу сертификаттарынан дьиэ сыанатыттан 30-35 %- нын төлүөхтэрин сөп.

2024 сыллаахха Таатта улууhугар 8 ыал олорор усулуобуйата тупсубута. 2025 сылга өссө 5 ыалга анаан 7,4 мөл. солк. үп көрүллүннэ.

Саха Өрөспүүбүлүкэтигэр барыта 3 000- тан тахса ыал дьиэ-уот тупсарыытыгар өйөбүл ыларга уочаракка турар, онтон 157- тэ Таатта улууһугар.

«Таатта» хаһыат хаартыскалара